Plattdüütsch Dag 21.04.2018

D

e twete Plattdüütschdag för Hamborg

Sünnobend, 21. April 2018, is dat wedder sowiet. Denn gifft dat denn tweten Hamborger Plattdüütschdag. Schirmherrin is ok düt mal wedder Katharina Fegebank, de Twete Börgermeistersch vun de Free’e un Hansestadt Hamborg.

An düssen April-Dag schall Hamborg wedder de Haupstadt vun de Plattdüütschen warrn. Dorüm roopt wi all Verenen, Initiativen, Krinks un Organisatschonen op, dat se dorbi mitmoken doot.

Wi wünscht uns, dat an all möglichen Ecken un Kanten vun de 750 Quadratkilometer Hamborg wat op Platt passeert. Vun Altnoo bet Volksdörp. Op Alsterdampers, bi Hagenbeck, in Karken un Chören, Museen, Theaters, villicht sogor in’n Zirkus.

Op Platt kannst allens moken! Platt kannst öberall snacken!

Also, loot Jo wat infallen! Wat köönt Ji bi Jo to Huus vör de Döör, bi Jo in de Stadtdele de Lüüd an düssen Dag anbeden?

Wi sünd heel neeschierig un gespannt, wat Ji Jo allens utspikuleren doot.

Wat Ji bi uns meldt, dat sett wi denn mit so’n Oort Stünnenploon in en Prospekt rin, de in ganz Hamborg verdeelt warrt. Op all Kultur-Litfasssäulen in de Stadt warrt Ji Plakoten öber dat Programm vun düssen Dag finnen. Un NDR 90,3 un dat Hamborger Obendblatt sünd dor as Medienpartner ok wedder mit bi.

Dat all Minschen öberall in Hamborg to weten kriegt, wat dat an düssen tweten Plattdüütschdag in Hamborg allens to beleben gifft.

Anmeldung einer Veranstaltung per Formular

Anmeldung einer Veranstaltung Online