Mit Stolt kiekt wi op den 5. Hamborger Plattdüütsch Dag trüch, kunnen wi doch dat Anbott mit över 60 Veranstalten an verscheden Steden in ganz Hamborg noch eens düütlich hochseten un op düsse Oort wiesen, wo lebennig uns Plattdüütsch in Hamborger jümmers noch is.
Wi freut uns bannig doröver, dat düt Johr to´n ersten Maal de „Hartmut-Cyriacks-Pries“ för Översetten in´t Plattdüütsche dörch de Behöörd för Wetenschop, Forschen un Liekstellen utgeven worrn is.
Hier sett Hamborg en Teken för dat Föddern un dat Bewohren vun uns Regionalspraak un ehrt Hartmut Cyriacks as groten Förspreker för de plattdüütsche Spraak, de he tietlevens ween is un dat ok as Spreker vun uns Plattdüütschroot för Hamborg.
Letztenns gellt uns Dank all de, de sik mit ehr Veranstalten an düssen Dag inbröcht hebbt un ok uns Schirmfro, de Senatersche Maryam Blumenthal, de uns mit ehr Behöörd Stütt geven hett.
